The h2g2 Literary Corner: Twa Dogs, by Robert Burns

0 Conversations

Home (or hame) is where your dog is.

Twa Dogs, by Robert Burns

This month, Create wants to know what makes a place home. People who live with pets know that they aren't just furniture. Enjoy this poem by Robert Burns.

Detail from a painting showing two dogs in a Highland cottage.
Twas in that place o’ Scotland’s isle
That bears the name o’ Auld King Coil,
Upon a bonnie day in June,
When wearing through the afternoon,
Twa dogs that were na thrang at hame,
Forgather’d ance upon a time.
The first I’ll name, they ca’d him Cæsar,
Was keepit for his honour’s pleasure;
His hair, his size, his mouth, his lugs,
Show’d he was nane o’ Scotland’s dogs;
But whalpit some place far abroad,
Where sailors gang to fish for cod.
His locked, letter’d, braw brass collar
Show’d him the gentleman and scholar;
But though he was o’ high degree,
The fient a pride – nae pride had he;
But wad hae spent an hour caressin’,
Ev’n wi’ a tinkler-gypsey’s messin’.
At kirk or market, mill or smiddie,
Nae tawted tyke, though e’er sae duddie,
But he wad stan’t, as glad to see him,
And stroan’t on stanes and hillocks wi’ him.
The tither was a ploughman’s collie,
A rhyming, ranting, raving billie,
Wha for his friend an’ comrade had him,
And in his freaks had Luath ca’d him,
After some dog in Highland sang,
Was made lang syne – Lord know how lang.
He was a gash an’ faithful tyke,
As ever lap a sheugh or dyke.
His honest, sonsie, baws’nt face,
Ay gat him friends in ilka place.
His breast was white, his touzie back
Weel clad wi’ coat o’ glossy black;
His gaucie tail, wi’ upward curl,
Hung o’er his hurdies wi’ a swirl.
Nae doubt but they were fain o’ ither,
An’ unco pack an’ thick thegither;
Wi’ social nose whyles snuff’d and snowkit,
Whyles mice and moudiewarts they howkit;
Whyles scour’d awa in lang excursion,
An’ worry’d ither in diversion;
Until wi’ daffin weary grown,
Upon a knowe they sat them down,
And there began a lang digression
About the lords o’ the creation.
The Literary Corner Archive

Dmitri Gheorgheni

04.01.16 Front Page

Back Issue Page


Bookmark on your Personal Space


Conversations About This Entry

There are no Conversations for this Entry

Entry

A87865276

Infinite Improbability Drive

Infinite Improbability Drive

Read a random Edited Entry


Disclaimer

h2g2 is created by h2g2's users, who are members of the public. The views expressed are theirs and unless specifically stated are not those of the Not Panicking Ltd. Unlike Edited Entries, Entries have not been checked by an Editor. If you consider any Entry to be in breach of the site's House Rules, please register a complaint. For any other comments, please visit the Feedback page.

Write an Entry

"The Hitchhiker's Guide to the Galaxy is a wholly remarkable book. It has been compiled and recompiled many times and under many different editorships. It contains contributions from countless numbers of travellers and researchers."

Write an entry
Read more